१३ कात्तिक, काठमाडौं । एर्लिङ हालान्डले दुई गोल गरेपछि प्रिमियर लिगको म्यानचेष्टर डर्बीमा सिटीले युनाइटेडलाई ३-० ले पराजित गरेको छ ।
युनाइटेडको घरेलु मैदान ओल्ड ट्राफोर्डमा प्राप्त जितपछि सिटीले शीर्ष स्थानको टोटनहमसँग अंक दूरी दुईमा झारेको छ ।
हालान्डले २६औं मिनेटमा पेनाल्टीमा गोल गर्दै सिटीलाई अग्रता दिलाएका थिए । युनाइटेडका रासमस होलन्डले रोड्रीलाई फउल गरेपछि सिटीले पेनाल्टी पाएको थियो ।
४९औं मिनेटमा हालान्डले बर्नानर्डव शिल्भाको पासमा गोल गर्दै सिटीको अग्रता दोब्बर पारे । सिटीका लागि तेस्रो गोल फिल फोडेनले ८०औं मिनेटमा गरे ।
जितपछि १० खेलबाट सिटीले आर्सनल समान २४ अंक जोडेको छ । यद्यपि सिटी तेस्रो स्थानमै छ ।
समान खेलबाट टोटनहम २६ अंकसहित शीर्ष स्थानमा छ ।
सिटीसँग पराजित युनाइटेड भने १९ खेलबाट १५ अंकसहित आठौं स्थानमा छ ।
Khemraj wali
0 Comments