पीएसजी बन्यो फ्रेन्च लिग वान च्याम्पियन

११ j}शाख, काठमाडौं । पेरिस सेन्ट जर्मेन (पीएसजी) ले फ्रेन्च लिग वान फुटबलको उपाधि जितेको छ । शनिबार राति भएको खेलमा दश खेलाडीमा सिमिति लेन्ससँग १-१ को बराबरीमा रोकिए पनि पीएसजीले ४ खेल अगावै लिग उपाधि पक्का गरेको हो ।

यससँगै पीएसजीले सेन्ट एटिएनेसँगै सर्वाधिक १० पटक लिग उपाधि जित्ने कीर्तिमान पनि बराबरी गरेको हो ।

घरेलु मैदानमा पार्क डे प्रिन्समा भएको खेलको ६८औं मिनेटमा लियोनल मेस्सीले गोल गर्दै पीएसजीलाई अग्रता दिलाएका थिए । तर ८८ औं मिनेटमा लेन्सका लागि कोरेन्टिन जिनले बराबरी गोल गरे ।

५७ औं मिनेटमा डान्सोले रातो कार्ड पाएपछि लेन्स १० खेलाडीमा समेटिएको थियो ।

बराबरीपछि पीएसजीको ३४ खेलबाट ७८ अंक भएको छ । दोस्रो स्थानको मार्सेको ३३ खेलबाट ६२ अंक छ । मार्सेले बाँकी खेल जिते पनि पीएसजीलाई भेट्ने छैन ।

Khemraj wali