गुल्मीमा ‘वनसँग सेलिब्रेटी’ कार्यक्रम

८ फागुन, गुल्मी । वन वातावरणको संरक्षण गर्ने उद्देश्यले गुल्मीमा ‘वनसँग सेलिब्रेटी’ कार्यक्रम गरिएको छ ।

डिभिजन वन कार्यालय गुल्मीको आयोजनामा ‘वनसँग सेलीब्रेटी’अन्तर्गत विविध सांस्कृतिक तथा प्रवचन कार्यक्रम गरिएको हो ।

सेलिब्रेटीहरुका माध्यमबाट वन वातावरण संरक्षण सम्बन्धित जनचेतना फैलाउने उद्देश्य कार्यक्रमको रहेको छ । ‘वनसँग सेलिब्रेटी’ कार्यक्रममा नेपाली हांस्यव्यग्य क्षेत्रका कलाकार मनोज गजुरेल, गायक हरि खत्री, धार्मिक तथा आध्यात्मिक ओशोका आचार्य प्रवचक विवेक खत्री (विनयी) आचार्य, महेन्द्र भट्टराई वशिष्ट लगायतको वनसँगसम्बन्धी प्रस्तुति राखेका थिए ।

कलाकार मनोज गजुरेलले हांस्यव्यग्यका माध्यमबाट विभिन्न वन संरक्षण र वनको महत्व जस्ता विषयमा परिघटना बनाएर प्रस्तुती राखेका थिए । त्यस्तै लोक तथा दोहोरी गायक हरि खत्रीले गीतका माध्यमबाट वनसँग सम्बन्धी गीतहरु प्रस्तुत गरेका थिए ।

कार्यक्रममा धार्मिक तथा आध्यात्मिक ओशोका आचार्य प्रवचक विवेक खत्री (विनयी) आचार्य, महेन्द्र भट्टराई वशिष्टले मावन जीवन र वनको महत्वलगायतका विषयमा प्रवचन दिएका थिए । प्रवचनका स्थानीय नागरिकसँगै विभिन्न कार्यलयका प्रमुखहरुको सहभागिता रहेको थियो ।

वन वातारण तथा वन्यजन्तु संरक्षण सम्बन्धी जनचेतना फैलाउने उद्देश्यले विभिन्न प्रवचनसँगै विविध सांस्कृतिक कार्यक्रम राखिएको सहायक वन अधिकृत पंकज ठाकुरले बताए ।

वन वातावरणको विनासंरक्षणको असम्भव रहेकाले सबै मिलेर वन संरक्षण गर्ने र वन डढेलो नियन्त्रणका महत्वपूर्ण भूमिका निर्वाह गर्ने उद्देश्यले यस्तो खालको कार्यक्रम गरिएको ठाकुरले बताए ।

गुल्मी जिल्लामा ४६ हजार ९८ हेक्टर क्षेत्रफल वन रहेको छ । जिल्लाको कुल क्षेत्रफलको ४१ दशमलव ७३ प्रतिशत क्षेत्र वन रहेको डिभिजन वन कार्यालय गुल्मीले जनाएको छ । जिल्लामा बर्सेनि एक हजार ५०० हेक्टरभन्दा बढी क्षेत्रफलमा डढेलो लाग्ने गरेको छ ।

सेलीब्रेटीका माध्यमबाट जनचेतना मुलक कार्यक्रमहरु गर्दा त्यसको प्रचारप्रसार द्रुत हुने भएकाले यस्तो खालको कार्यक्रम राखिएको डिभिजन वन कार्यालय गुल्मीका वन अधिकृत जीवन पगेनीले बताए ।

यस वर्ष हिउँदको समयमा वषर्ात पनि नभएकाले वनडढेलो बढ्ने प्रवल सम्भावना रहेको छ । गर्मी र सुख्खा सिजनमा वनमा डढेलो लाग्नाले करोडौं मूल्यको क्षति हुँदै आएको छ ।

वनमा लागेकोेेे डढेलो बस्तीमा पुग्दा बर्सेनि जनधनको क्षति हुने गरेको छ । डिभिजन वन कार्यालयले वन डढेलो निन्त्रणमा गर्न जनचेतना मुलक कार्यक्रमहरु गर्ने गरेको छ ।

गत वर्षबाट कार्यालयले ‘वनसँग सेलिब्रेटी’ कार्यक्रममा गर्ने गरेको छ । अधिल्लो वर्ष लोक तथा दोहोरी गीत क्षेत्रका राष्ट्रिय कलाकारहरुसँग कार्यक्रम गरिएको थियो ।

मानवीय त्रुटिका कारणले वन क्षेत्रमा आगलागीका घटनाहरु हुने गरेको पाइएको छ । बर्सेनि वन डढेलो लाग्ने गरेता पनि लगाउने मानिस पक्राउ पर्ने गरेको पाइँदैन ।

Khemraj wali